台灣詩學‧吹鼓吹詩論壇

坐佇遮，天庭有一支大雨傘。青piàng-piàng的花草，密喌喌的枝骨。
坐佇遮，地面有一支小雨傘，花草殕殕，枝骨疏疏，不時愛沃墨汁。
有一工我當咧沃墨汁。規頭規面規胸坎規腹肚一尾一尾烏漉漉的文字泅來泅去。無人看見，只有家己暗暗仔歡喜。
無疑悟雄雄一陣風搧來…紲反雨傘花，詩句一蕊一蕊颺颺飛。我攑頭金金看，啊，敢是故鄉的烏面抐桮?

註︰
烏面抐桮(lā-pue)，黑面琶鷺。