台灣詩學‧吹鼓吹詩論壇

〈老阿嬤偷食油飯〉

會記得，有一次隔壁阿姐
送油飯來⋯⋯

內面有一支雞腿丶二粒卵
佮一寡，啥物東西？

因為查某祖講查某囡仔人
會使看丶袂當摸

所以伊干干仔目睭金金
一直呑嘴瀾

只是越看腹肚感覺越枵
想講趁無人小心偷偷食
一喙，擺佇油飯頂頭的
啥物東西？

啊！啥物
食一嘴才知影，原來喔

原來喔！
遐根本就毋是叫作醃瓜仔
就是＂醃瓜仔＂切作絲啦

食老揀起來講講咧，歡喜
參囝兒細序鬥陣笑笑仔喂

其它的，就隨在伊～是亦毋是？

20150723陳美