波多黎各,怪怪的國家。有藍白紅國旗,有市長議員,有爭取獨立的血淚。但是最近公投
多數人贊聲欲做美國一州。台灣,怪怪的所在,有家己的總統佮軍隊,毋閣公家機關真少掛國旗。兼不時相諍伊是中國人,台灣人,抑是にほんせい。在朝佮在
野像咧兩國交戰,每一輪轉,分篷(phâng)八年對抗,戰得風雲變色,日月無光。逐爿攏喝團結,上好團
結佇阮的領導佮堅持內底。幾冬來氣候變遷,無張持風風雨雨,寒熱無定著,逐家四季亂穿
衣。攑頭看覓,彼雲彩有時是溫馴有禮的白天鵝,有時閣是無體統的野雞,哀甲驚天動地。外國朋友咧問,恁敢是住佇彼个真有fu,閣會fu,怪怪的城市?
(2015/9/5)